|
 Ayera, dia 15 di mei 2009 e grupo di preshon ekstra-parlamentario a emití un komunikado pa prensa kaminda nan ta avisá pueblo di Kòrsou tokante desaroyonan ku ta pone nos demokrasia na peliger. Seguidamente nos ta publiká kontenido di e komunikado literalmente.
Tin un menasa manera un bòm bou di Kòrsou su demokrasia. Pa promé biaha un grupo di parlamentario ta rechasá bos di mayoria di pueblo. Esensia di un demokrasia ta ku pueblo tin e último palabra den direkshon di su pais.
Hustamente kaminda tin diferensia di opinion fundamental i divishon den pueblo, bos di mayoria ta sagrado.
|
|
Sigui lesa...
|
 Tur hende ku a kontribuí na awelsi.com ta manda un pabien di kurason pa pueblo di Kòrsou ku e resultado poSItivo.
Pero pueblo OJO! Kaiman no a bandoná boka di riu. Nos tin ku pone man na obra pa kumpli ku nos obligashonnan pa Hulanda kumpli ku esnan di nan.
E entusiasmo Hulandes ta varia, si nos tene reakshon di Geert wilders na konsiderashon.
Lider di frakshon di partido Hulandes no a mustra masha apresio pa resultado di referèndem na Kòrsou.
|
|
Sigui lesa...
|
|
 Apresiabel lesadó di awelsi.com,
Awe ta dia 15 di mei. Nos ta skirbi e informe aki den oranan di mainta, promé ku nos sa kiko e resultado di e referèndem lo ta.
Awelsi.com no tabata e promé fuente di informashon di referèndem 2009. Bon mirá por bisa te asta ku nos a start un poko lat. Nos promé introdukon ta data di djadumongu 26 di aprel, ni tres siman promé ku e fecha di referèndem.
Nos a start ku preparashon un siman promé ku e fecha ei, sin fondo ni presupuesto. Nos motivashon tabata pa presentá informashon na un manera mas kla posibel pa tantu hende pro SI! komo pro NO! ku tabatin mester di un presentashon mas rashonal ku emoshonal.
|
|
Sigui lesa...
|
|
|
 Un tendensia nobo den e proseso promé ku referèndem ta ku un kantidat kresiente di hoben yu di tata (eks-)polítiko, ta splika públikamente dikon nos tur tin ku vota SI!.
E biaha aki ta toka na Fidel Nita, yu di e defuntu Amador Nita, pilá di e movementu 30 di mei 1969.
Den un grabashon di video ku Awèl SI! a haña riba YouTube, señor Nita ta rekomendá na un manera hopi trankil i klaritu, dikon tin ku vota pa SI!
Tekstualmente señor Nita ta bisa lo siguiente riba e video:
"Lagami papia, lagami splika dikon mi a kambia mi voto. . .
|
|
Sigui lesa...
|
|
 Mi ta un independentista ku nunka a skonde su konvikshon, ni a sinti miedu o berguensa pa ekspresá esaki públikamente. Na mi manera, mi a dediká mi bida produktivo i intelektual den añanan '70 i '80 pa realisá entre otro un "Antia Uní, Liber i Independiente."
Mi ta suponé ku méskos ku ami tin hopi otro hende ku ta anhelá pa djabièrnè dia 15 di mei, shet'or di anochi yega pa kaba, pa nos por bòltu e blachi di un kampaña ku ya kaba for di e Akuerdo di Spaanse Hof di dia 3 di novèmber 2006 a haña tinta di un guera di akto i palabra amargá. Na final, méskos ku tur otro guera kaminda sa glorifiká violensia, loke ta keda pa historia ta e pregunta si propósito dje guera tabata bal un prèis asina desproporshonal.
|
|
Sigui lesa...
|
|
Hobennan yu di Kòrsou bibá na tera friu ta den un perkanse pisá. Nan ke lo mehor pa nan país nobo pero nan no tin derecho di vota.
Komo resultado nan lo tin ku biba ku konsekuensia di e eskoho di nos akinan.
For di Hulanda nos a risibí e siguiente presentashon kaminda studiantenan bibá na Hulanda ta hasi un súplika di kurasaon na hobennan lokal, ku si por vota dia 15 di mei próksimo. Maske ku nan ta leu foi kas nan análisis ta skèrpi i al kaso. Nan konseho pa un bon futuro pa Kòrsou ta pa nos tur vota SI!
|
|
Sigui lesa...
|
 “Maske mi no ta 100% satisfecho ku e pakete ku gobièrnu a negoshá, tòg mi ta vota SI den referèndem.
Pasobra mi ta mira ku e pakete akí ta ofresé un bon apertura i aki sinku aña Kòrsou lo por ‘fine tune’ e palabrashonnan ku no a resultá manera nos ke. Pa un komunidat bai dilanti, gobièrnu mester por invertí mas tantu posibel den adelanto intelektual di pueblo. Esei tabata masha difísil e último añanan akí mirando nos situashon finansiero.
Si nos haña un solushon pa un parti di nos debenan, Kòrsou lo haña un alivio finansiero i e intenshon mester ta pa hinka e sobrá sèn den enseñansa i otro proyektonan ku tin retraso.” |
|
|
|
|
|
|
Page 1 of 2 |