Tur hende ku a kontribuí na awelsi.com ta manda un pabien di kurason pa pueblo di Kòrsou ku e resultado poSItivo.

Pero pueblo OJO! Kaiman no a bandoná boka di riu. Nos tin ku pone man na obra pa kumpli ku nos obligashonnan pa Hulanda kumpli ku esnan di nan.

E entusiasmo Hulandes ta varia, si nos tene reakshon di Geert wilders na konsiderashon.

Lider di frakshon di partido Hulandes no a mustra masha apresio pa resultado di referèndem na Kòrsou. Ela lamentá ku e viktoria di SI lo bai kosta gobièrnu hulandes kasi 2 mijard di Euro.

"Den e krisis ekonómiko aktual nos por a uza e sèn aki mihó na Hulanda mes", Wilders a bisa. "Mi tin miedu ku esaki ta djis un komienso. Nan lo sigui pidi sèn den futuro.

Pesei mi mensahe ta: Antiya no selebrá muchu tempran! Asina PVV bini na poder nos lo para e proseso ku ta kuminsá danki na resultado di referèndem. E ora ei lo saka e islanan for di reinu Hulandes na mal òrdu"- segun Wilders djasabra manisé di referèndem.

Komentario: Cha Tiger a keda elèlèmbòli!