|
Vota "SI" òf vota "NO" - Kiko e ke men pa Kòrsou? |
 |
 |
 Kiko SI ke men pa pueblo?
SI ke men ku:
- Porfin Kòrsou ta sali for di Antia i haña su mes outonomia.
- Porfin gobièrnunan por traha pa pueblo na lugá di maha ku struktura estatal.
- Porfin tur plaka di belasting di Kòrsou ta keda pa Kòrsou na lugá di bai pa otro isla tambe.
- Porfin plaka di pueblo ta keda pa pueblo na lugá di paga debe kuné.
- Porfin debenan ta stòp di kome benefisionan sosial di pueblo.
- Porfin penshun di amptenar i di maestronan di skol ta sigurá.
- Porfin nos kuido médiko por bin drecha atrobe.
- Porfin ta bini mas trabou pa pueblo.
- Porfin pueblo ta haña un futuro den su mes pais.
- Porfin tin porvenir pa nos yunan bini bèk ora nan kaba di studia afó.
|
|
Sigui lesa...
|
|
|
Den enkuentro ku Hulanda ta Kòrsou a skor |
|
|
|
Algun hende ta trata na konfundí asuntu i ta kana bisa ku Hulanda ta hasi i deshasí ku Kòrsou manera e ke. Si nos wak echo i laga griteria pa loke e ta nos ta haña un otro bista riba e asuntu.
Lesa kon Kòrsou a saka mas for di negosashon ku Hulandatabata ke!
|
|
Sigui lesa...
|
|
Kousa Komun: Demokrasia di Kòrsou ta riba un bòm |
|
|
|
 Ayera, dia 15 di mei 2009 e grupo di preshon ekstra-parlamentario a emití un komunikado pa prensa kaminda nan ta avisá pueblo di Kòrsou tokante desaroyonan ku ta pone nos demokrasia na peliger. Seguidamente nos ta publiká kontenido di e komunikado literalmente.
Tin un menasa manera un bòm bou di Kòrsou su demokrasia. Pa promé biaha un grupo di parlamentario ta rechasá bos di mayoria di pueblo. Esensia di un demokrasia ta ku pueblo tin e último palabra den direkshon di su pais.
Hustamente kaminda tin diferensia di opinion fundamental i divishon den pueblo, bos di mayoria ta sagrado.
|
|
Sigui lesa...
|
|
|
Súplika di studiante yu di Kòrsou na Hulanda |
|
|
|
Hobennan yu di Kòrsou bibá na tera friu ta den un perkanse pisá. Nan ke lo mehor pa nan país nobo pero nan no tin derecho di vota.
Komo resultado nan lo tin ku biba ku konsekuensia di e eskoho di nos akinan.
For di Hulanda nos a risibí e siguiente presentashon kaminda studiantenan bibá na Hulanda ta hasi un súplika di kurasaon na hobennan lokal, ku si por vota dia 15 di mei próksimo. Maske ku nan ta leu foi kas nan análisis ta skèrpi i al kaso. Nan konseho pa un bon futuro pa Kòrsou ta pa nos tur vota SI!
|
|
Sigui lesa...
|
|
Hubentut: Ta nos bùrt awor |
|
|
|
 No barka nos ku boso problemanan
Nos, komo hóben, a tende tur dos banda kaba. Un voto pa NO ke men ku nan ta bende tur nos kos pa tapa problema ku nan mes a krea.
Ayo Isla. Ayo UTS. Dios sa kiko mas nan ta tira den e buraku ku nan mes a krea. Esta dushi, no?
P’esei ami ta vota SI. Pasobra ami SI ke un pais nobo sin lastra problema bieu riba nos lomba.
Pasobra nos komo hóben, mestér haña un chèns nobo. Awèl SI.
Historia no t’ei pa wantami atras
Ami sa mi historia. Mi ta respetá i honra Tula. Pero ke bai dilanti sí. Mi no ta laga niun hende wantami atras pa motibu di mi historia. Anto sigur mi no ta laga niun hende malusá mi historia pa nan lucha personal.
|
|
Sigui lesa...
|
|
|
|
|
|
|
Page 1 of 3 |