|
 No barka nos ku boso problemanan
Nos, komo hóben, a tende tur dos banda kaba. Un voto pa NO ke men ku nan ta bende tur nos kos pa tapa problema ku nan mes a krea.
Ayo Isla. Ayo UTS. Dios sa kiko mas nan ta tira den e buraku ku nan mes a krea. Esta dushi, no?
P’esei ami ta vota SI. Pasobra ami SI ke un pais nobo sin lastra problema bieu riba nos lomba.
Pasobra nos komo hóben, mestér haña un chèns nobo. Awèl SI.
Historia no t’ei pa wantami atras
Ami sa mi historia. Mi ta respetá i honra Tula. Pero ke bai dilanti sí. Mi no ta laga niun hende wantami atras pa motibu di mi historia. Anto sigur mi no ta laga niun hende malusá mi historia pa nan lucha personal.
P’esei mi ta vota SI den referèndem. Pasobra awor ta nos bùrt pa krea nos mes historia. Awèl SI.
Komo hóben, nos tambe ke un chèns
B’a yega di mira nos hendenan bai buska un mihó futuro den Karibe? Ami nò. Pero nos ta mira masha hopi hende di Karibe, bin buska un mihó futuro na Kòrsou. Pasobra kon ku bo mir’é, nos ta mihó pará aki na Kòrsou, kompará ku henter Karibe. Awèl pakiko nan ta hasi manera Reino ta malu pa nos? Habri wowo, ruman. Vota SI pa niun hende no mòrs ku nos lugá den Reino. Awèl SI. |
