|
 “Nan kier mete ku nos autonomia”. Sè swa.
E frase aki ariba ta unu ku politikonan y otronan ta usa pa bai kontra tur loke a wordu negosha ku Hulanda. Pero e autonomia ku politikonan y demas aprovechadonan,(bloedzuigernan) ta papia di dje, ta e autonomia DI NAN.
E autonomia pa sigui nombra kompinchinan, y boebehnan di marka mayor den puestonan di gobierno.
E autonomia pa KORRE ku inversionistanan ku por a inverti millones na benefico di nos pais y konsequentemente abo kumi, pasobra e envelop bao di mesa no tabata suficiente.
E autonomia pa sigui pone amigunan, kompinchinan riba listanan politiko ku TUR HENDE sa ku ta BOEFNAN konoce pa un y tur na Korsow.
E autonomia pa no tin kontrol riba presupeusto y di e manera ki no tin kontrol na unda y kon ta gasta BO sen ku nan kompinchinan.
E autonomia pa duna nan mes un bon penshun pero pa kier lanta e edad di esun dibo ku un par di anja mas.
E autonomia pa subi nan mes sueldonan KI ORA KU NAN KIER pero pa subi minimumloon y onderstand mester hasi un estudio profundo door di DEZ?
E autonomia pa awor bo kier independencia pero bo tin bo 8 duizend guldens pa luna y MAS KU UN penshun hasiendo e independensha aki sumamente facil pa abo ku ta politiko.
E autonomia pa skribi den korant ku bo kier pa Korsow bira independiente pero bo mes ta biba na Hulanda kobrando tur sorto di WW. Bin biba aki pa minimumloon wak kon dushi independesha lo bira pabo e ora ei no?
E autonomia pa NO tin kontrol riba nada di e politikonan aki. Sin kontrol - e fiesta ta sigui - semper bai ABO pagando e kuenta!!
Pero e autonomia dim as grandi ku e politikonan aki ta gusta tae sun di lastra manera kulebra riba nan barriga cari tur fin di luna serka nos bankonan pa pidi fia plaka pa paga nan salarionan I di ambtenaarnan. Ora di lastra manera serpiente dikon ei ora ei bo no a korda ku NOS MES POR y ku ABO si ta DIGNO.
Korda di nobo ku tur kos ku ta nan beneficio nan a vota SI semper.
Pa nan penshun - SI
Pa nan salarionan-SI
Pa aktonan di korupshon - SI
Awor ku ta bo beurt nan kier pabo vota NO!
Vota SI ta pa bo futuro – Vota NO ta pa di nan!!!
(Jorge Salamanca)
|
