Saludo Señor Jandi Paula,

Jandi ta un ferviente No den referendem. Jandi ta haña ku pueblo no por lubidá sklabitut. P’esei pueblo mester vota NO. Jandi, nos no ta lubidá sklabitut. Nos sa nos historia. Tula no a lucha pòrnada. El a lucha pa nos tin un mihó bida. El a lucha pa nos pueblo mes por manda. I nos pueblo mes a manda. Nos pueblo mes a goberná 55 aña. Nan a hasi algun kos bon. Pero nos mes gobièrnunan a hasi hopi kos fo’i sla tambe.

E kosnan fo’i sla ei a hiba nos hopi atras. Asina nunka nos no ta yega na e mihó bida ku Tula a bringa p’e. Duna nos un chèns awor. Pakiko nos mester nenga tur kos di Hulanda?

Si Hulanda ta asina diabel, kon bini asina hopi ruman a bai buska un mihó bida na Hulanda? Mayoria a logra tambe. Na lugá di nos bai Hulanda, mihó nos tuma sèn di Hulanda pa yuda solushoná nos problemanan aki mes.

Pasobra esaki ta nos pais. No stroba kos pa nos.

Awèl SI!