Saludo señor Don Martina,

Don ta un ferviente NO den referendem. Delaster dianan Don a bai skol pa bai konta hóben kos di nos historia. Esei ta pa nan tambe vota NO. Pero nos hóben tambe sa algu di historia. Pasobra nos tin mayor ku ta kòrda ainda. Nan ta kòrda kon Don a kita ‘krisisheffing’ na 1986. Krisisheffing tabata un medida di krisis. Tur hende mester a paga 10% di nan salario pa yuda sera e buraku den pòtmòni di gobièrnu.

Don a kita krisisheffing pa bin hunga popular. Tur e añanan ku Don a goberná, Don no a sera e buraku den pòtmòni di gobièrnu. E buraku a bira mas grandi. Awe e ta serka di guli nos. Don no a seré.

Awor ku Hulanda ke paga 3000 mion florin pa yuda nos seré, esei tampoko Don no ke. Don ke pa nos hóbennan di Kòrsou keda barká ku un problema ku Don mes a yuda hasi mas grandi.

Un problema ku Don mes nunka no por a solushoná.

Esei no ta hustu Don.

Awèl SI!