|
Den enkuentro ku Hulanda ta Kòrsou a skor |
 |
 |
|
Algun hende ta trata na konfundí asuntu i ta kana bisa ku Hulanda ta hasi i deshasí ku Kòrsou manera e ke. Si nos wak echo i laga griteria pa loke e ta nos ta haña un otro bista riba e asuntu.
Lesa kon Kòrsou a saka mas for di negosashon ku Hulandatabata ke!
Esaki Hulanda tabata ke
|
Esaki Kòrsou a logra
|
|
Hulanda tabata ke ún Ministerio Públiko pa tur isla huntu.
|
Kòrsou a logra su mes Ministerio Públiko.
|
|
Hulanda tabata ke ún kuerpo polisial komun.
|
Kòrsou a logra su mes kuerpo polisial.
|
|
Hulanda tabata ke un Recherche Samenwerkings Team (RST) ku ta pará riba su mes i ta kai bou di Prokurador General.
|
Kòrsou a logra ku tareanan di RST ta kai bou di nos mes kuerpo polisial, i bou di mando di nos mes hefe di polis.
|
|
Hulanda tabata ke un ‘derechi di instrukshon’ pa e minister di hustisia Hulandes, komo miembro di gobièrnu di Reino.
|
Kòrsou a logra bari e derechi di instrukshon for di mesa, pa medio di un konseho di Raad van State.
|
|
Hulanda tabata ke lagu’é na un promesa, sin ankr’é den lei.
|
Kòrsou a logra ku Hulanda su promesa pa solushoná nos debe, a keda ankrá den lei.
|
|
Hulanda tabata ke kuminsá solushoná e debe na momentu ku Kòrsou bira outónomo den Reino.
|
Kòrsou a logra ku e solushon di debe a kuminsá kaba, for di e momentu ku e lei di konsenso ta akordá.
|
|
Hulanda tabata ke pa gobièrnu di Reino supervisá finansa di Kòrsou.
|
Kòrsou a logra ku supervishon finansiero ta tuma lugá a base di koperashon. Kòrsou mes tambe ta forma parti di e komishon di supervishon. E komishon ta konsistí di 4 Antiano i dos Hulandes.
|
|
Hulanda tabata ke duna e komishon di supervishon e poder pa e mes duna gobièrnu instrukshon si asuntunan finansiero kana robes.
|
Kòrsou a logra pa e komishon di supervishon haña solamente e outoridat pa duna konseho. E komishon no ta sinta riba stul di niun mandatario ni ningun instansia di Kòrsou.
|
|
Hulanda tabata ke pa e supervishon ta pa semper.
|
Kòrsou a logra ku ta stòp supervishon si Kòrsou kumpli tres aña siguí ku reglanan di presupuesto ku Kòrsou mes a fiha.
|
|
