Ministerio Públiko ta e parti di nos poder hudisial ku ta persiguí sospechosonan i trese nan dilanti’ hues. Riba tereno di ministerio públiko tin vários palabrashon.

• Kòrsou ta haña su mes Ministerio Públiko. Kòrsou lo no kompartí su ministerio públiko ku e otro islanan.
• Kòrsou ta haña su mes Minister di Hustisia. Kòrsou lo no kompartí su minister di hustisia ku e otro islanan.
• Kòrsou ta haña su mes Fiskal Mayó. Kòrsou lo no kompartí Fiskal Mayó ku e otro islanan.

Loke sí Kòrsou ta sigui kompartí ku e otro islanan, ta e Prokurador General. Prokurador General ta e persona na kabes di Ministerio Públiko. Lo bini ún prokurador general pa Kòrsou, Sint Maarten, Boneiru, St. Eustatius i Saba huntu. Pero...asina ta trata asuntunan di Kòrsou, e prokurador general ta sigui e maneho di e minister di hustisia di Kòrsou.