Den e funshonamentu di Korte Komun di Hustisia, nada no ta kambia.

E mesun Korte Komun ku tin awor pa Antia i Aruba, lo sigui traha pa Kòrsou, Sint Maarten, Aruba i e islanan BES (Boneiru, Sint Eustatius i Saba). E sede di e korte lo keda na Kòrsou.

E úniko nobedat ta, ku e Korte ta bai haña su mes instansia independiente pa atendé su maneho diario. Esei tabata un deseo di tur tempu di nos propio Korte.