Un di e palabrashonnan ku ta toka hustisia, ta trata un Konseho pa mantenshon di lei (‘Raad voor de rechtshandhaving’).

Esaki ta un konseho di ekspertonan independiente ku ta vigilá tur parti di e kadena hudisial, ku eksepshon di Korte di Hustisia. Por ehèmpel e ta mira kon prison òf rehabilitashon sosial (‘reclassering’) ta funshoná. Tambe e ta vigilá e koperashon entre e partnernan den Reino riba tereno di hustisia, i e ta atendé eventual keho.

Dependiendo di kada kaso, e ta informá i konsehá e minister responsabel.

E Konseho ta formá pa Kòrsou, Sint Maarten i Hulanda (na nòmber di e islanan BES, ku ta Boneiru, Sint Eustatius i Saba).