Esaki ta un bista global di e pakete riba kua bo ta disidí den referendum. Despues nos ta aklará nan un pa un.

A negoshá formanan di koperashon entre e paisnan riba tereno di finansa i hustisia. Tur loke a negoshá i palabrá riba finansa i hustisia, ta fihá den 5 lei di konsenso na nivel di Reino. Esei ta leinan ku e partnernan den Reino a traha huntu boluntariamente. A hinka e leinan den un bachi di Reino pa duna nan un base mas fuerte.

E lei di konsenso riba finansa ta trata:

• Solushon pa debe nashonal i Supervishon finansiero

E leinan di konsenso riba hustisia ta trata:

• Konseho pa mantenshon di lei
• Korte Komun di Hustisia
• Polis
• Ministerio Públiko

E pakete di palabrashon tin un lei tambe ku ta regla kambio di Statüt.
Nos konstitushon i leinan orgániko tambe ta forma parti di e pakete, maske nos no a negoshá ku otro partnernan den Reino riba eseinan.

Ban aklará nan un pa un.