|
Pregunta tokante e saku di plaka |
 |
 |
Ki mishi e saku di plaka den nos trayekto estatal?
Tur (!) partido polítiko di Kòrsou a pidi Hulanda na 2005 pa paga nos debenan pa nos kuminsá nos pais nobo ku un situashon salú. Tin dokumento di esei, ku firma ariba di vários lider ku awe ta grita NO. Eiden nan mes ta pidi tambe pa kòntròl finansiero, pa evitá ku nos ta bolbe krea debe asina grandi den futuro. Tur partido ku tabata den konseho insular na 2005 tabata ke esei. Nan a pidi Hulanda yuda, pasobra nan sa bon bon kon Kòrsou lo sufri si no bini un solushon pa nos debenan.
Pakiko lo mi tuma un saku di plaka di Hulanda?
Nos no a zundra Hulanda semper? Awor porfin nos a logra kita 3000 mion florin for di nan. Porfin nos por tuma nan sèn pa evitá ku nos mester bende nos patrimonio nashonal, subi belasting, baha penshun i kai den pobresa. Awor Grupo-NO ke nenga esei?
Djis pasobra lo tin kòntròl finansiero? Nos no a siña ainda kiko ta pasa sin kòntròl finansiero?
E kòntròl finansiero ta pa semper?
Apsolutamente ku nò. E kòntròl ta temporal. Asina nos mandatarionan mustra tres aña siguí ku nan ta kumpli ku tur regla di presupuesto ku Kòrsou mes a fiha, e kòntròl ta stòp. |
|
|
|
|
Pregunta mas hasí