Ta bèrdat ku nos mester kasa parehanan homoseksual si nos vota SI?
Esei no ta bèrdat. Kòrsou mes ta disidí si parehanan homoseksual por kasa na Kòrsou. Ta otro asuntu si ta pareha ku a kasa kaba na Hulanda. E ora ei Kòrsou lo rekonosé nan akta di matrimonio, meskos ku Hulanda ta aseptá tur akta ofisial di Kòrsou i tur sentensia di hues na Kòrsou.

Por ehèmpel, Hulanda mester ehekutá bo tèstamènt òf akta di matrimonio òf fayesimentu, maske e akta ta trahá na Kòrsou. Meskos tambe Kòrsou mester inskribí un matrimonio homoseksual si e pareha a kasa na Hulanda. Pero Kòrsou mes ta disidí si parehanan homoseksual por kasa na Kòrsou.