Kòrsou ta bai pèrdè su outonomia si nos vota SI?
Al kontrario. Si nos vota SI, porfin Kòrsou lo haña outonomia. Kòrsou lo sali for di Antia i haña un posishon outónomo den Reino, meskos ku Antia tin awor. Kòrsou ta haña tur tarea, tur responsabilidat i tur outoridat ku Antia tin awor.

Nan ta bisa ku grupo-NO por negoshá mas outonomia. Esei ta bèrdat?
Esei ta imposibel. Pasobra ora Kòrsou bira pais outónomo den Reino, Kòrsou lo haña tur outonomia ku Antia tin awor. Ta esei ta tur e outonomia ku tin reglá den Statuut. Nos Statuut no ta brinda mas outonomia. No ta posibel pa negoshá i haña un kos ku no ta eksistí.

Ta bèrdat kòntròl finansiero ta mishi ku nos outonomia?
Al kontrario. Supervishon finansiero ta promové nos outonomia. Pasobra e ta fòrsa nos mandatarionan pa usa plaka di pueblo na un manera drechi. E ta fòrsa nan pa stòp di gasta mas di loke nos mes ta produsí. Asina Kòrsou ta stòp di dependé di plaka di Hulanda. Esei ta e mihó garantia pa nos outonomia.