Ami ta kere ku un mayoria grandi di esnan ku ta biba riba e baranka aki AWORAKÍ, nan antepasadonan a bin e isla aki HUSTAMENTE pa motibu di e bandera Hulandes. 

Segun mi ta esei ta e realidat raspá di e Kòrsou di awe. I esei ta realidat di mayoria di yu Kòrsou ku ta mira padilanti i ta trahando riba nan futuro bou di e paraplú grandi ku yama REINO HULANDES. Nan ta mira den nan “Winshil di bida” konstantemente pa grap kada oportunidat ku tin nan dilanti. 

Nan sa ku nan tin un spil di patras i “once in a while” nan ta mira den dje. Pero nan sa bon bon ku e spil di patras ta historia i no por mara nan futuro. Tambe nan sa ku menos barera tin entre e partnernan, mas e ta kumbiní tur siudadano den Reino. 

No ta pòrnada ku kasi mitar di tur hende ku a nase na Kòrsou ta bibá den un di e otro teritorionan den Reino.