 Ami ta vota SI:
- Pa bai dilanti awor i no den dies aña;
Pa haña un Kòrsou outónomo ku un nivel di gobernashon so i ku tur impuesto pagá na Kòrsou lo keda na Kòrsou;
- Pa haña gobernashon adekuá, ku bon atministrashon i pa splikashon na pueblo kon impuestonan ta wòrdu gastá;
- Pa haña un posishon finansiero inisial akseptabel, sin e debe pisá di awe, ku mas di USD 2,5 biyon di alivio dirèkt na fondo ofresé dor di nos rumannan di e pueblo di Hulanda;
- Pa haña e hopi miyones adishonal di fondo pa medio dje programa SEI ( inisiativa sosial ekonómiko);
- Pa duna gobièrnu oportunidat di paga pa edukashon, pa perkurá servisio di salubridat, i bienestar pa tur hende ku tin mester di dje;
- Pa keda den Reino pa gosa dje benefisionan di esaki, pero tambe pa karga responsabilidat pa derechonan humano, edukashon pa un i tur, pa kombatimentu di pobresa i koperashon ku otro islanan riba un par di tareanan komun chikí;
I sigur sigur SI pasombra NO ta ofrese nada na Kòrsou i nos pueblo. |
Pueblo ta papia palabra kla