SI of NO a para bira un pelea politiko ku al final ta perdedo so lo tin!!

 

Tristu ta ku e pueblo lo sufri kaminda esnan ku a kousa gran parti di e problema lo hanja un of mas otro manera pa sigui probecha.

 

Hulanda te leuw for di ta Santu!! Pero nos mester sinja wak den spiel unda nos mes ta faya.

 

Si nos sera kabes, traha huntu y focus riba nos futuro, Niun Makamba ni kualkier otro hende por bin manda den nos Pais.

 

Aunke mi sa ku e pakete no ta 100% mi ta aprobé, sabiendo ku ta nos mes hendenan (politikonan dilanti y patras di kortina) a hinka nos den un situashon ku nos mester aksepta limosna.

 

Ami ta vota SI pasombra mi ta kere den futuro di Korsou.

 

R.M. André Curiel