Pueblo di Korsou atenshon pa kumisa lagami kumisa na klara boso. Caryl Monte a bisa ku si bo vota NO ta nifika ku bo tin ku bai biba den miseria. Pero e no a duna un splikashon kon miserabel e pueblo aki tin ku bai biba. Awel sinta duru pa bo tende i saka bo som pa bo no bai vota pa miseria sino bai ku un SI sigur sigur.

Miseria ta nifika lo sigiuente:

1. ku gobiernu tin ku bai subi belasting entre otro OB pa asina garantisa pago di debe kontra di interesnan haltu.
   
   
2. Gobiernu mester sigui tuma mas medida kaminda e tin ku garantisa banda di pagamentu di debe un entrada di 200 a 300 mion florin pa asina e lo por garantisa desaroyo pa su pais.
   
   
3. No lubida ku na dekada 80 e mesun pueblo aki mester a entrega 10% di kada trahado su salario pa sostene kaha di gobiernu pa paga debe, i si ta esei tambe mester sosode awor aki ku un debe mas grandi, e porsentahe aki lo mester ta mas haltu kisas lo por papia di 18% paso mester tene kuenta ku e kantidat di hende ku lo por bai paga e porsentahe di entrega aki.

Ku esaki mester tuma luga, e hendenan di klase media bai abou lo sufri di un golpi  finanserio bastante fuerte paso mester tene kuenta ku e personanan aki tambe tin nan responsabilidat i kompromisionan ku nan ti ku kumpli kune tur luna. Korda no laga nos lubida kiko ta pasando na Merka kaminda ku pa motibunan di finansiero mas ku 2 mion hende a pèrde trabou i kas i ainda ta spera kun a final di 2009 ku e porsentahe di desempleo aki lo por krese bai te na 9%.

Pues pueblo un NO ta nifika Miseria i  esun ku lo sufri den e Miseria aki lo ta e Homber chiki huntu ku esun di e klase media.

Pueblo tene na kuenta ku Sr. Monte mes ta biba na ST.Maarten. St. Maarten tin mesun akuerdo ku  nos di Korsou. Pues Sr. Monte a skohe pa biba konforme e pakete di SI, paso e ta biba na St. Maarten anto e mesun Sr. Monte aki ta rekomenda abo pa bai biba den Miseria aki na Korsou. Pueblo saka bo som i bai pa un SI sigur sigur.

Michèle (Bull) Kinburn